ఇ-లెర్నింగ్ కొన్ని ప్రమాణాలు

ఇ-లెర్నింగ్ విధానం లో కోర్సు రూపొందించాలంటే కొన్ని ప్రమాణాలను పాటించాల్సిన అవసరం ఉంది. ఈ ప్రమాణాలు లో సాధారణ కంటెంట్ కు ఉండే నియమాలు, ఇ లెర్నింగ్ కు వాడే సాఫ్ట్ వేర్ విధి విధానాలు మరియు లెర్నింగ్ మేనెజ్ మెంట్ సిస్టం అని  ఉన్నాయి. ఈ ప్రమాణాలు ఒక కోర్సు ను వివిధ ప్లాట్ ఫారంస్ పై పనిచేసేలా ఎలా రూపొందించాలి? ఎలా పంపిణీ చెయ్యాలి అనే విషయాలను ఆకళింపు చేసుకోవడానికి ఉపయోగ పడతాయి.

ఈ నియమాలు లేదా ప్రమాణాలను ప్రస్తుతం నాలుగు ప్రధాన సంస్థలు రూపొందిస్తున్నాయి. అవిAICC, IEEE, IMS, mariyu ADL. ముఖ్యంగా మూడు విషయాలను దృష్టి లో ఉంచుకుని వీటిని రూపొందిస్తారు.
కమ్యూని కేషన్ ఇంటర్ ఫేస్ లేదా ఎ పి ఐ - వనరులను ఇతర వ్యవస్తలతో ఎలా కమ్యూనికేట్ చెయ్యాలి అనే విషయం,
మెటా డేట- ఒక స్థిరమైన పద్దతిలో ఇ-లెర్నింగ్ వర్ణించడం
కంటెంట్ ప్యాకేజింగ్ - వనరులు లేదా రిసోర్సు లను ఉపయోగకరమైన బండిల్స్ లోకి తేవడం ఎలా అనే విషయం.
ఇ లెర్నింగ్ ప్రమాణాలు రోజు రోజుకూ కొత్త విషయాల్ని సంతరించుకుంటూ ముందుకు సాగుతున్నాయనడం లో సందేహం లేదు. వాటిని ఎప్పటికప్పుడు తెలుసుకుంటూ, పాటిస్తూ పోతే ఇ లెర్నింగ్ రంగం లో ఉన్నత శిఖరాలు అందుకోవచ్చు.

ఈ-లెర్నింగ్ అంటే ఏమిటి?

అసలు ఈ-లెర్నింగ్ అంటే ఏమిటి?

ఆధునిక సమాచార పరిజ్ఞానాలను వాడుకుంటూ ఎలక్ట్రానిక్ మాధ్యమంగా చెప్పే విద్య ని ఎలక్ట్రానిక్ లెర్నింగ్ అనవచ్చు. ఈ పద్ధతి లో విద్యార్ధి, ఉపాధ్యాయులు ఒకే తరగతి గదిలో ఉండి నేర్చుకోవచ్చు లేదా ఇద్దరూ ఈ భూ భాగం లో తలో దిక్కున ఉండీ నేర్చుకోవచ్చు. ఈ పద్ధతి కనుక పాటిస్తే దూర విద్య లో అవకతవకలు అరికట్తవచ్చన్నది నా భావన.

సరే ఇంతకీ ఈ ఇ లెర్నింగ్ చరిత్రలోకి వెళితే...

వికీపీడియా అందించిన వివరాల ప్రకారం……….

అరవయ్యో దశకం లో అమెరికాలోని స్టా న్ ఫర్డ్  యూనివర్సిటీ వారు తొలుతగా చిన్నారులకు లెక్కల పాఠాలను కంప్యూతర్ ద్వారా చెప్పడం ప్రారంభించారు. దీనినే కంప్యూటర్ బేస్డ్ ట్రెయినింగ్ అన్నారు. ఆ తర్వాతి కాలం లో '93 లో విలియం డి గ్రజియడె అనే పెద్ద మనిషి కంప్యూటర్ లో తో ఓ ట్యుటోరియల్ ను అంటే బోధన మరియు దానికి సంబంధించిన అవగాహనా, అంచనా విధానాన్ని రూపొందించాడట. 1997 లో అతను ఒక సాంకేతిక ఆధారిత కోర్సును అభివృద్ధి చేసి దాని నిర్వహణ వ్యూహం, అభివృద్ధి పై ఒక వ్యాసం ప్రచురించాడు. దీనికై ఉపయోగించే ఉత్పత్తులు ఉపయోగించడం మరియు నిర్వహించడానికి సులభంగా ఉండాలి అన్నాడు. అంటే పోర్టబుల్, రెప్లికబుల్, స్కేలబుల్, వెంటనే కొనగలిగేలా అందుబాటు ధరలో ఉండాలని అన్నాడట. ఆ తర్వాతి కాలం లో ఇ లెర్నింగ్ ఓ ప్రభంజనం అయ్యింది. ఈ దిశలో బోలెడు కోర్సులు అందుబాటులోకి రావడమే కాదు, ఎన్నో సంస్థలు డిగ్రీలు సైతం అందిస్తున్నాయి. అలాగే ఈ రంగం లో ఉపాధి అవకాశాలూ మెరుగయ్యాయి. అయితే దీనికి సంబంధించి కొన్ని ప్రమాణాలూ, పద్ధతులు ఉన్నాయి. అవన్నీ మెల్లిగా అర్ధం చేసుకునే ప్రయత్నం చేద్దాం.